SUSASTRA JAWA

Pengantar Redaksi:

Yuyun Dian

Alumni Jurusan PBSID Universitas Negeri Semarang ini telah menikah dengan Muhamad Rifai  dan  Menjadi Guru Bahasa Jawa sebagai pengawal Kelestarian Bahasa Jawa di SMA Negeri 5 Semarang  Tinggal di Kota Semarang Berikut ini salah satu karyanya.

Jejere Manungsa

Karipta dening L. Yuyun D.S

Ngerti…

Dudu karep

Laku kandheg

Kuciwa, karep kandheg

Rasa kagawa lunga tan bisa sirna

Dudu karep

Esemu kanthil ing pojoking ati

Lir tlutuh tumumplek memplak

Kari  ngreridu ati

Ati kari juwing-juwing pungkasane mekingkring

Kabeh mau ra grahita

Teka ora diceluk

Lunga sapa nyana

Kleru…

Rasa kang kleru

Katinggal mlayu sansaya ngluru

Apa kang ana pancen kleru

Saumpama pethuk paribasan remuk

Sapa kang daktutuh

Lakumu mengetan

Dalanku mengulon

Tangeh kapethuk

Rasa iki nggubet tan bisa uwal

Ancik-ancik pucuking eri

Aku maju gawe  tatu awakku

Aku mlayu katerak lindhu

Aku mandheg kalindhes watu kajugrugan Semeru

Rasa apa iki

Cupet nalarku

Cubluk angenku

Cupet, cubluk candhakku

Aku  ora bisa nyekel

Kamangka ana ing tlapukan

Aku mung  jejere manungsa

Kabeh adoh saka kuwawa

Manawa kabeh bisa  diputer

Aku njaluk tekamu ora liya

Ora ana kabut peteng dadi pepalang

Padang pranyata peteng dadi pepalang

Aku bakal nyuwun marang Akarya Jagad

Aku manungsa kuwawa

Kang pantes njaluk sacuwil atimu

Kabeh dak pendhem  jero

Jero selaning kalbu

Bakal ilang bebarengan jalma merem ing Pangku

Aja dadi atimu.


Karipta nalika 30 Agustus 2010 jam 15:05