RUANG SASTRA KITA

"GEGURITANE KELAS X5 SMALA SEMARANG"

SUKMA ING SAMODRA

anggitan Soraya Chandra Monica

angin kang mabur kiteran ndhuwur samodra

sasat tanpa leren ngobahke banyu

ora kajaba ngobahke wit klapa

wit-witan gedhe ngadeg jejeg tanpa oyot

angin lagi thawaf

ngubengi kedhaton napas

KANCAKU

anggitan Annisa Rizki H

Kancaku....

nalika seneng, Sliramu ana ing sisihku

nalika susah uga ana ing sisihku

ora tau leren ngrungokake atiku

muji-muji nalika aku bener

gelem ngelingake nalika aku salah

kancaku sing tak tresnani

ora bakal tak lalikake sauripe ndonya

KAENDAHAN ALAM

anggitan M. Fahmi Maulana

Subur kang tinandur

mekar kang sinebar

warna endah kang gumelar

ijo royo-royo

biru samodra lan gunung jejer-jejer

nalika disawang nggawe ati kagiwang

kang ditambah srengenge surya

kang nyinari alamku

CAH BAGUS

anggitan Ajeng Esti Listuhayu

Kelingan mlaku-mlaku ing trotoar biyen

ngepasi ketemu awakmu

sinuwur tresna asih kang ujug-ujug

aku kepincut ing esemmu cah bagus

rasa nggresah ilang babar pisan

lan sesawangan klambi-klambi ing toko kene

ngelingake nalika sliramu tuku klambi sulaman

bar bayaran pas padhang wulan

tambah wengi tambah ndhudut ati

iramaning lagu lan tembangan keprungu

saka kadohan nggonjingake pikir

sing sumampir ing awang-awang

mlaku-mlaku ing trotoar pancen endah

betah aku nyawang solah polahmu

cah bagus kapan awake dhewe

bisa kancan katresnan?

KAENDAHING ALAM

anggitan Vivi Anggraeni

Sang surya mancarake cahyane

sawah katon ijo royo-royone

aku lumampah ing pinggire

nyawang kaciptaane Gusti ingkang gedhe kuasane

dongaku kanggo jagad lan seisine

muga tetep endah lan sae

ENDAH ALAM INDONESIA

anggitan Dzikron Adivian Habibi

Endah alam Indonesiaku

alas ijo kang rerengketan

segara jembar kang ana ing mata

arga kang dhuwur tekan langit

lintang gemintang kang akeh

lemah kang gemah ripah loh jinawi

Diadopsi soko blogere I am Iam (2010), dening  (KR01)